काठमाडौं । सिम्रिक एयरले आफ्ना सम्पूर्ण उडानमा प्रतिबन्ध लगाइएको भन्दै फैलिएको समाचारप्रति आपत्ति जनाएको छ । उडान शुल्कबापत नेपाल नागरिक उड्डयन प्राधिकरणलाई ४६ लाख ४३ हजार रुपैयाँ बक्यौता भुक्तान नगरिएपछि विभिन्न सञ्चारमाध्यममा सिम्रिक एयरबारे उक्त समाचार आएका थिए । सिम्रिकले प्राधिकरणलाई कुनै बक्यौता रकम तिर्न बाँकी नरहेको दाबी गरेको छ ।
कम्पनीले शुक्रबार एक प्रेस विज्ञप्ति जारी गर्दै हवाई सेवा सञ्चालनबापत प्राधिकरणलाई तिर्नुपर्ने शुल्क नियमित भुक्तान गरिएको र कहीँ विमानस्थलबापतको शुल्क अडिट (लेखा परीक्षण) हुन बाँकी रहेकाले के कति छ सो विवरण आउनै बाँकी रहेको जनाएको छ । उक्त हिसाबकिताब आएपछि प्राधिकरणलाई भुक्तान गर्न बाँकी भए भुक्तान गरिनेसमेत कम्पनीले स्पष्ट पारेको छ ।
साउन २१ गते ७ दिनको समय दिएर हिसाबकिताब राफसाफ गर्न प्राधिकरणबाट पत्र पठाए पनि तोकिएको समयसीमाअघि गलत मनसायले कम्पनीको बदनाम गर्ने गरी मिडियाबाजी गरिएको भन्दै कम्पनीले आपत्ति जनाएको हो ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता