भोजपुर । संस्कृति, पर्यटन तथा नागरिक उडयन मन्त्री सुदन किराँतीले भोजपुरको एक मात्र बिमानस्थलमा बन्न लागेको सुबिधा सम्पन्न नयाँ टर्मिनल तथा कन्ट्रोल टावर भवनको शिलान्यास गर्नु भयो ।
भोजपुर नगरपालिका वडा नम्वर १२, टक्सारमा रहेको बिमानस्थलमा बन्न लागेको भवनको मन्त्री किराँतीले शुक्रवार मुन्दुम तथा सनातन बिधि अनुसार शिलान्यास गर्नु भएको हो । सोक्रममा सम्वोधन गर्नु हुँदै मन्त्री किराँतीले सुबिधा सम्पन्न टर्मिनल भवन निर्माणसँगै आगामी दिनहरुमा ठुला जहाज उडानका लागि पहल गर्दै लानु पर्ने बताउनुभयो । एक जनाले मात्र सुबिधा पाएपनि पहाडी विमानस्थलहरु सुबिधा सम्पन्न हुनु पर्ने मन्त्री किराँतीको भनाई रहेको छ । नेपाल बायु सेवा निगमले अन्य क्षेत्रमा देखिएका बिकृति बिसंगति अन्तयका लागि पनि प्रभावकारी भुमिका निर्वाह गर्न जरुरी रहेको मन्त्री किराँतीले बताउनभयो ।
आरवी उर्वन बिल्डर्स एण्ड सप्लायर्स प्रालिले निर्माण गर्न लागेको भवनको कुल लागत पाँच करोड ४५ लाख रहेको नेपाल नागरिक उडययन प्राधिकरणका महानिर्देशक प्रदिप अधिकारीले जानकारी दिनुभयो । आगामी डेढ बर्ष भित्रमा निर्माण कार्य सम्पन्न हुने गरी निर्माण कम्पनीसँग सम्झौता भएको छ । एक रोपनी पाँच आना क्षेत्रफलमा निर्माण हुने भवन एक सय जनाले एकै पटक उपयोग गर्न सक्ने छन् ।
पहाडी क्षेत्रहरुमा संचालन भई बिमानस्थलबाट नाफा नभए पनि सेवा मात्र दिने कार्य भई रहेको बताउँदै महानिर्देशक अधिकारीले ५५ बिमानस्थल मध्ये हाल ३३ वटा मात्र संचालनमा आएको बताउनुभयो ।
भोजपुर बिमानस्थलको कुल क्षेत्रफल एक सय ३२ रोपनी रहेको छ भने पाँच सय ४५ मिटर लम्वाई र २० मिटर चौडाई भएको धावनमार्ग छ । भोजपुरमा हाल नेपाल बायु सेवा निगमको जहाजले मात्र भोजपुर काठमाण्डौ उडान गर्दे आई रहेको छ । करिव ४५ बर्ष देखि संचालनमा आएको बिमानस्थल २०७४ सालमा कालोपत्रे भएको थियो ।
शिलान्न्यासका क्रममा बोल्नु हुदै भोजपुरबाट निर्वाचित कोशी प्रदेश सांसद बिनोद बान्तवा र भोजपुर नगरपालिकाका मेयर कैलाश कुमार आलेले भवन निर्माणसँगै भोजपुर जस्तो दुर्गम जिल्लाका नागरिकहरुले अझै प्रभावकारी सेवा पाउने बताउनु भएको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच