सिड्नी । न्यूजील्याण्डका प्रधानमन्त्री क्रिस हिपकिन्सले चिनियाँ राष्ट्रपति तानाशाह नभएको बताएका छन् ।
अमेरिकी राष्ट्रपति जो बाइडेनले चिनियाँ नेता सी जिनपिङ तानाशाह भन्दै गरेको टिप्पणी प्रति उनले असहमति प्रकट गरेका हुन् ।
‘चीनको सरकारको रूप चिनियाँ जनताको लागि कुरा हो, यो उनीहरुको खुसीकाे कुरा हो,’ हिपकिन्सले पत्रकारहरूसँग भने ।
चिनियाँ जनताले पनि आफ्नो सरकार तानाशाह हो भनेर भनिरहेका छन् नि भन्ने प्रश्नको जवाफ दिदै उनले भने, ‘यदि उनीहरू आफ्नो शासन प्रणाली परिवर्तन गर्न चाहन्छन् भने त्यो उनीहरूको कुरा हो ।’
हिपकिन्सले जुन २५ देखि ३० सम्म चीनको भ्रमण गर्ने कार्यक्रम छ, जसमा न्युजिल्यान्डका केही ठूला कम्पनीहरू समावेश रहेको व्यापार प्रतिनिधिमण्डलको नेतृत्व गर्दैछ ।
सो क्रममा चिनिया राष्ट्रपति सीसहित प्रधानमन्त्री ली छ्याङ र नेशनल पिपुल्स कंग्रेसको स्थायी समितिका अध्यक्ष झाओ लेजीसँग भेट गर्नेछन् ।
बाइडेनले राष्ट्रपति सी जिनपिङलाई ‘तानाशाह’ भनेर उल्लेख गरेपछि चीनले बुधबार जवाफी प्रहार गरेको छ । ‘अमेरिकी राष्ट्रपतिको भनाइ बेतुक र उत्तेजक छ, यसले दुवै पक्षलाई द्वन्द्व लैजाने छ, यो डरलाग्दो पनि छ भनि प्रतिक्रिया दिईसकेको छ ।
Like
Love
Happy
Surprised
Sad
Excited
Angry
Breaking news with related posts