तनहुँ-१ : स्वर्णिम वाग्ले कांग्रेसका भट्टराईभन्दा ४१ सय मतले अगाडि

हिमालय टाइम्स कालिकोट, संवाददाता

Monday April 24, 2023

हिमालय टाइम्स कालिकोट, संवाददाता

Monday April 24, 2023

Read Time = 1 min

डिजिटल संस्करण

समाचार

A A- A+

काठमाडौं । तनहुँ–१ मा राष्ट्रिय स्वतन्त्र पार्टीका उम्मेदवार डा. स्वर्णिम वाग्लेले अग्रता फराकिलो पार्नुभएको छ । सोमबार जारी मतगणनामा ९ वटा वडाको गणना सकिँदा वाग्लेले ७ हजार ६ सय २५ मत ल्याउनुभएको छ ।

उहाँलाई पछ्याइरहनुभएका नेपाली कांग्रेसका गोविन्द भट्टराईले ३ हजार ४ सय ७१ मत प्राप्त गर्नुभएको छ । वाग्ले र भट्टराईबीचको मतान्तर ४१ सय ५४ छ । त्यस्तै, तेस्रोमा रहेका नेकपा एमालेका उम्मेदवार सर्वेन्द्र खनालले २ हजार २ सय १९ मत ल्याउनुभएको छ ।

मुख्य निर्वाचन अधिकृतको कार्यालय अनुसार अहिलेसम्म त्यहाँ ९ वटा वडाको १३ हजार ७५९ मतगणना भइसकेको छ । तनहुँ–१ मा आइतबार भएको उपनिर्वाचनमा ६३ हजार ७५७ मत खसेको निर्वाचन कार्यालयले जनाएको छ ।

उपनिर्वाचन

गोविन्द भट्टराई

स्वर्णिम वाग्ले

तनहुँ-१

यो खबर पढेर तपाईलाई कस्तो महसुस भयो ?