काठमाडौं । राष्ट्रपति रामचन्द्र पौडेलको भारतमा उपचार सुरु भएको छ । उहाँको भारतको नयाँ दिल्लीस्थित अल इण्डिया इन्स्टिच्युट अफ मेडिकल साइन्सेस (एम्स)मा उपचार सुरु भएको हो । राष्ट्रपति पौडेललाई एम्सको भिआइपी आइसियुमा राखेर उपचार सुरु गरिएको छ ।
पौडेललाई बुधबार बिहान श्री एयरको एयर एम्बुलेन्समार्फत भारत लगिएको थियो । नेपालमा उपचार गराउँदा उल्लेख्य सुधार नभएपछि परिवारका सदस्य र चिकित्सकहरूले थप उपचारका लागि भारत लैजान भनेपछि उहाँलाई भारत लगिएको हो ।
राष्ट्रपति पौडेलको छातीमा संक्रमण देखिएको थियो । राष्ट्रपति पौडेलसँग निजी चिकित्सक डा. निरज बम, परिवारका सदस्य र सातजना चिकित्सकको टोली छ । राष्ट्रपति पौडेललाई बुधबार बिहान नयाँ दिल्लीस्थित विमानस्थलमा अवतरण गरेलगत्तै भारतका लागि नेपाली राजदूत शंकर शर्मा र भारतीय विदेश मन्त्रालयको नर्थ डिभिजन प्रमुख अनुराग श्रीवास्तवले रिसिभ गर्नुभएको थियो । उहाँलाई उच्च सुरक्षासहित एम्स अस्पताल पु¥याइएको थियो ।
राष्ट्रपति पौडेलको उपचारमा एम्स अस्पतालका प्लमोनरी, क्रिटिकल केयर तथा स्लिप मेडिसिन विभागका प्रमुख प्राडा. अनन्त मोहन र आइसियु विज्ञ डा. पुनित मिश्रको टोली संलग्न छ । यसबीचमा भारतीय विदेश सचिव विनयमोहन क्वात्राले एम्समा पुगेर राष्ट्रपति पौडेलको स्वास्थ्य अवस्थाबारे जानकारी लिनुका साथै शीघ्र स्वास्थ्य लाभको कामना गर्नुभएको छ ।
राष्ट्रपति नेपालमै उपचार गर्छु भन्नुहुन्थ्यो, मैले नै भारत पठाएँ : प्रधानमन्त्री
प्रधानमन्त्री पुष्पकमल दाहाल ‘प्रचण्ड’ले राष्ट्रपति रामचन्द्र पौडेललाई आफूले नै उपचार गर्न भारत जान सल्लाह दिएको बताउनुभएको छ । बुधबार तनहुँ-१ मा नेपाली कांग्रेसका उम्मेदवार गोविन्द भट्टराईलाई भोट माग्दै प्रधानमन्त्री प्रचण्डले राष्ट्रपतिले नेपालमा उपचार गर्ने इच्छा राखे पनि आफूले नै भारतमा जान सल्लाह दिएको सुनाउनुभयो । ‘उहाँ अस्वस्थ हुनुभयो तर, गम्भीर होइन । हिजो मैले उहाँसँग कुरा गरेँ । मैले भारत जान सल्लाह दिएँ । उहाँले नेपालमा उपचार गर्न चाहनुभएको थियो ।’
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच