इस्ताम्बुल । टर्कीमा सोमबार गएको भूकम्पमा परेर ज्यान गुमाउनेको संख्या झण्डै चार हजार नजिक पुगेको छ ।
सोमबार बिहान सिरियाको सीमा नजिकै दक्षिणी टर्कीमा केन्द्रबिन्दु बनाएर ७ दशमलव ८ रेक्टर स्केलको भूकम्प गएको थियो । सोमबार दिउँसो पनि त्यहाँ ७ दशमलव ७ रेक्टर स्केलको भूकम्प गएको थियो ।
सो भूकम्पले टर्की र सिरियामा ठूलै जनधनको क्षति पुर्याएको छ ।
भूकम्पबाट टर्की र सिरियामा मृत्यु हुनेको संख्या ३ हजार ८ सय नाघेको छ । अन्तर्राष्ट्रिय समाचार संस्था सिएएनका अनुसार ७.८ म्याग्नीच्युडको सो भूकम्पमा परी हजारौं मान्छेहरू घाइते भएका छन ।
मुख्यतः टर्कीको नुरदागी र सिरियाको गाजिन्टेप्स प्रान्तलाई बढी प्रभाव पारेको उक्त भूकम्पले हजारौं घरहरू ध्ववस्त बनाएको छ । टर्कीको आपतकालिन प्राधिकरणका अनुसार टर्कीमा कम्तीमा सात हजार ६३४ जना घाइते भएको एएफएडीले जनाएको छ भने दुई हजार ८३४ भवन ध्वस्त भएका छन् । भग्नावशेष परेका मानिसको उद्धार गर्ने कार्य जारी छ ।
टर्की र सिरियाको सिमानामा केन्द्रबिन्दु भएर अहिलेसम्म सात रेक्टर स्केलभन्दा बढी तीनवटा भूकम्प गइसकेको छ ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता