काठमाडौं । सूर्य नेपाल गल्फ टुर २०२२-२३ अन्तर्गत सिजनको तेस्रो प्रतियोगिता सूर्य नेपाल एनपिजिए म्याच प्ले मंगलबारदेखि रोयल नेपाल गल्फ क्लबमा हुने भएको छ । पछिल्लो पूरा सिजन २०२१-२२ को वरीयताअनुसार शीर्ष १६ गल्फरले प्रतियोगितामा प्रतिस्पर्धा गर्नेछन् भने शीर्ष १६ मा रहेका चार गल्फर अनुपस्थित रहेकाले यसपटक २०औँ वरीयतासम्म रहेका गल्फरले प्रतिस्पर्धा गर्दैछन् ।
मंगलबार पहिलो चरणको खेल तथा बुधबार क्वाटरफाइनल र सेमिफाइनल तथा बिहीबार अन्तिम दिन फाइनल हुने आयोजकले सोमबार पत्रकार सम्मेलन गरी जानकारी गराएको छ । फाइनल ३६ होल तथा अन्य चरणमा १८ होलमा हुने बताइएको छ । प्रतियोगिताको पहिलो चरणमा शीर्ष वरीयताका शुक्रबहादुर राईले २० औँ वरीयताका टंकबहादुर कार्कीसँग खेल्नुहुनेछ भने दोस्रो वरीयताका भुवन नगरकोटीले १९औँ वरीयताका सन्जोक मोक्तानसँग खेल्नुहुनेछ ।
त्यस्तै, पहिलो चरणमा जयराम श्रेष्ठले कृष्णमान राजवाहक, रवि खड्काले प्रदीपकुमार लामा, सञ्जय लामाले रमेश अधिकारी, दिनेश प्रजापतीले सूर्यप्रसाद शर्मा, धनबहादुर थापाले बलभद्र राई तथा रामे मगरले भुवनकुमार रोक्काको सामना गर्ने बताइएको छ । विजेताले ६० हजार रुपैयाँँ प्राप्त गर्नेछन् भने उपविजेताले ४२ हजार, तेस्रोले ३२ हजार तथा चौथोले २४ हजार प्राप्त गर्नेछन् । क्वाटरफाइनलबाट बाहिरिनेले ११ हजार र पहिलो चरणमै निस्कने गल्फरले छ हजार नगद पुरस्कार पाउने आयोजकले जनाएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच