कैलाली । नागरिक उन्मुक्ति पार्टीले रेशम चौधरी सहितका राजबन्दी निःशर्त रिहा नभएसम्म सरकारमा नजाने बताएको छ ।
पार्टीका अध्यक्ष तथा प्रतिनिधि सभा सदस्य रञ्जिता श्रेष्ठ (चौधरी) ले मन्त्री, सभामुख र उप–सभामुख बन्न पार्टीलाई हतार नभएको बताउनु भएको छ । सामाजिक सञ्जाल फेसबुकमा स्ट्याटस लेख्दै उहाँले आफूहरू पदमा नभए मुद्दामा केन्द्रित रहेको बताउनु भएको हो ।
‘नागरिक उन्मुक्ति पार्टीको प्रमुख मुद्दा निर्दोष राजबन्दी रिहाइ हो,’ उहाले लेख्नु भएको छ । ‘हामी अनि हाम्रो माननीयज्यूहरूलाई मन्त्री, सभामुख, उप–सभामुख बन्नको कुनै हतारो छैन ।’ उहाँले राजबन्दीहरू रिहा नहुँदासम्म संघ र प्रदेश दुबै सरकारमा नजाने स्पष्ट पार्नु भएको छ ।
‘जब सम्म हाम्रो निर्दोष राजबन्दीहरू निःशर्त रिहाइ हुँदैनन् । नागरिक उन्मुक्ति पार्टी न संघमा न प्रदेशमा कहीँ कतै सरकारमा सामेल हुँदैन । ’ लेख्नु भएको छ ।
Like
Love
Happy
Surprised
Sad
Excited
Angry
