सप्तरी । लैंगिक हिंसाविरूद्ध १६ दिने अभियान सुरू भएको पहिलो दिन नै सप्तरीमा दुई जना महिलाको हत्या भएको छ । बोदेबर्साइ नगरपालिका बनौला घर भई राजविराज नगरपालिका-१ बस्दै आएकी ३५ वर्षीया गीता देवी रजक शनिवार मृत अवस्थामा भेटिएकी थिइन् । बिहान घर नजिकै रहेको टिनको छाप्रोमा उनको शब हत्या भएको अवस्थामा भेटिएको स्थानीयले बताएका छन् ।
उनी बनौलाका हिरालाल रजककी तेस्री श्रीमती बनेर १५ वर्षअघि भित्रिएकी थिइन् । तीन छोरी र एक छोराकी आमा गीतालाई उनकै श्रीमानले हत्या गरेकाे आरोप छ । दुई महिनायता उनका श्रीमानले कुटपिट गरि घरबाट निकाला गरेका थिए ।
शुक्रबार दिनभर सँगैको खेतमा धान काटेकी स्थानीय १७ वर्षीया कन्चन रजकका अनुसार बेलुका ५-६ बजेसम्म सकुसल नै थिइन । मैले ‘मैले गीतालाई घर जाउँ भन्दा धान ओसार्नु छ । नओसारे श्रीमानले कुट्नुहुन्छ भनेकी थिइन । बिहान त शब देखे ।’
निर्वाचनको भोलिपल्ट सोमबार श्रीमानले कुटे भन्दै गीताले हात, खुट्टा र टाउको चोट देखाएको उनको भनाइ छ । उनले भनेकी थिइन्, ‘श्रीमान्ले मराणसन्न हुने गरि कुट्छन । घर निकाला गरेका छन् । डरले राति घर जान पनि सकेकी छैन ।’ उनको परिवार राजविराज नगरपालिका-१ चनौरामा कोठामा भाडा लिएर बस्दै आएको छ ।
उनका श्रीमान दुई वर्षअघि वैदेशिक रोजगारीमा गएका थिए । डेढ वर्षसम्म पैसा पनि पठाएका थिए । श्रीमान घर फर्केको दुई महिनापछि नै कुटपिट गर्दै आएको उनले बताएकी थिइन ।
गाउँकै एउटी महिलासँग आफ्नो श्रीमानको सम्बन्ध रहेको गीताले बताएकी थिइन । तिनै महिलासँगको सम्बन्धका कुटिपट घरनिकाल गरेको उनी दुखेसो गर्थिन ।
आरोपी रजक पक्राउ
श्रीमती हत्या आरोपमा हिरालाल रजकलाई प्रहरीले शनिवार नै पक्राउ गरेको छ । जिल्ला प्रहरी कार्यालयका प्रहरी प्रवक्ता नरेशकुमार सिंहले मृतकका श्रीमानलाई पक्राउ गरि बयान लिएको छ ।
मन्जुलाको शव काका ससुराको घरमा भेटियो
रुपनी गाउँपालिका-२ लौवापारकी २० वर्षीया मन्जुला सदाको शुक्रवार बेलुकी काका ससुराको घरमा झुण्डिएको अवस्थामा शव फेला पर्यो । उनी आठ महिनाकी गर्भवती थिइन् । उनले बिहे भएको पाँच वर्षपछि पहिलो सन्तान पाउन लागेकी थिइन् । उनकी दिदी उषाले भनिन्, ‘उनकै परिवारले बैनीलाई झुन्ड्याएर मारे ।’
मृतककी आमा फुलोदेवीले ज्वाई भारत गएको बेला छोरीलाई सासुससुराले रक्सी खाएर कुटपिट गर्ने गरेको बताइन् । कति पटक त छोरीलाई उद्धार गरेर ल्याएको उनको भनाइ छ ।
दुई दिनअघि पनि ससुरा रामकण्ठ सदाले कुटेर घरबाट निकालेको र नजिकैका काका ससुरा श्रीकान्त सदाको घरमा लुकेर बसेको काकी सासूले फोनमा बताएको फूलोदेवीले बताइन् ।
खाना नपकाएको निहुँमा झुण्ड्याएर मारेको आरोप छ । शुक्रबार बेलुकी छोरीलाई फूलोलोदेवी जाँदा झुण्ड्याइएको अवस्था शव फेला परेको थियो ।
सासुसहित चारजनालाई प्रहरी कार्यालयमा राखेर अनुसन्धान भइरहेको प्रहरी कार्यालयले जनाएको छ । जिल्ला प्रहरी कार्यालयका प्रहरी प्रवक्ता सिंहले घटनाको अनुसन्धान भइरहेको बताउनुभयाे । पोष्टमार्टम रिपोर्ट आएपछि थप प्रक्रिया अगाडि बढ्ने उहाँले बताउनुभयाे ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच