काठमाडौं । निर्वाचनपछिको पहिलो कारोबार दिन मंगलबार सेयर बजार घटेको छ । सेयर बजार ७.१३ अंकले घटेर नेप्से १९२९.७० अंकमा झरेको छ । ठूला कम्पनीको सेयर कारोबार मापक सेन्सेटिभ इन्डेक्स पनि १.४७ अंकले घटेर ३७९.५९ अंकमा झरेको छ । यस दिन कुल दुई सय २८ कम्पनीका ३७ लाख ६३ हजार आठ सय ३६ कित्ता सेयर एक अर्ब ३५ करोड २८ लाख ८५ हजार रुपैयाँमा कारोबार भएको नेपाल स्टक एक्सचेन्ज (नेप्से)ले जनाएको छ । कारोबारमा आएका १३ समूहगत सूचकमध्ये दुईवटाको बढेको छ भने बाँकी ११ वटाको घटेको छ । बैंकिङ र जीवन बीमा बढेको छ भने विकास बैंक १.४४, अन्य १.२१ र जलविद्युत ०.६९ प्रतिशतले घटेको छ ।
नेपाल बैंक लिमिटेडको सर्वाधिक १२ करोड १६ लाख आठ हजार रुपैयाँ बराबरको सेयर कारोबार भएको छ भने रिडी पावर ८.६७ करोड, हिमालयन डिष्टिलरी ८.६० करोड, शिवम् सिमेन्ट्स ८.४३ करोड र ङादी ग्रुप पावरको ४.९० करोड बराबरको सेयर कारोबार भएको छ ।
जानकी फाइनान्स कम्पनीको सेयरमूल्य सर्वाधिक ६.२३ प्रतिशतले बढेको छ भने खप्तड लघुवित्त ३.९९ प्रतिशत, धौलागिरि लघुवित्त ३.९७, सयपत्री हाइड्रोपावर ३.८० र सिद्धार्थ इक्विटी फण्डको इकाईमूल्य ३.७५ प्रतिशतले बढेको छ । युनिलिभर नेपालको भने ५.५८ प्रतिशतले घटेर १८ हजार छ सय एक रुपैयाँमा झरेको छ । सिक्लेस हाइड्रोपावरको ४.४८ प्रतिशत, दोर्दीखोला ४.४८ प्रतिशत, अपर हेवाखोला ४.३५ र सिटिजन्स म्युचुअल फण्ड–१ को इकाईमूल्य ४.०५ प्रतिशतले घटेको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच