जबरजस्तीकरणीको आरोपमा बैतडीमा शिक्षक र स्वास्थ्यकर्मी पक्राउ

Thursday August 25, 2022

Read Time = 1 min

प्रदेश समाचार

A A- A+

-डम्बर बोहरा
बैतडी । बैतडीमा छुट्टाछुट्टै जबरजस्तीकरणीको आरोपमा एक शिक्षक र स्वास्थ्य कर्मी पक्राउ परेका छन् ।

मेलौली नगरपालिका ५ का ३५ वर्षीय शिक्षक किशोर जोशीले ट्युसन पढ्न आएकी किशोरीलाई जबरजस्तीकरणी गरेको आरोपमा प्रहरीले पक्राउ गरेको हो । शिक्षक जोशीलाई प्रहरीले बिहीबार दिउँसो पक्राउ गरेको हो ।

यसैगरी सिगास गाउँपालिकाको एक स्वास्थ्य चौकीका इन्चार्ज समेत रहेका २७ वर्षीय अहेव खगेन्द्र धामी पक्राउ परेका हुन् । स्वास्थ्य चौकीमा कार्यालय सहयोगीको रुपमा काम गर्दै आएका महिलामाथी जबरजस्तीकरणी गरेको आरोपमा पक्राउ गरिएको जिल्ला प्रहरी कार्यालय बैतडीका सूचना अधिकारी एवंम प्रहरी निरिक्षक लोकराज जोशीले जानकारी दिनुभयो ।

अहेव धामीलाई गत सोमबार पक्राउ गरिएको प्रहरीले जनाएको छ । दुबै घटनामाथि थप अनुसन्धान चलिरहेको उहाँले बताउनु भयो ।

यो खबर पढेर तपाईलाई कस्तो महसुस भयो ?