श्रीलंकामा संकट गहिरियो, प्रधानमन्त्री विक्रमासिङ्घेले पनि दिए राजीनामा

Saturday July 9, 2022

Read Time = 2 mins

विदेश

A A- A+

कोलोम्बो । श्रीलंकाको आर्थिक अवस्थाबाट त्रसित भएका प्रदर्शनकारीले शनिबार राष्ट्रपति गोटाबाया राजापाक्षेको निवासमा कब्जा जमाएका छन्।
यसैबीच राष्ट्रपति राजापाक्षे निवासबाटै भागेका छन् । प्रदर्शनकारीले राजापाक्षेको सरकारी निवासमा समेत तोडफोड गरेका छन् ।

अर्कोतर्फ र्‍यालीका क्रममा श्रीलंकाका प्रहरी र प्रदर्शनकारीबीच हिंसात्मक झडप भएको छ । जसमा करिब एक सय जना घाइते भएका छन् ।
यसैबीच श्रीलंकाका प्रधानमन्त्री रनिल विक्रमासिङ्घेले आफ्नो पार्टीका नेताहरूलाई सर्वदलीय सरकार गठनका लागि आफ्नो पदबाट राजीनामा दिन तयार रहेको जानकारी गराएको सञ्चार माध्यमले जनाएका छन् ।

विक्रमासिंघेले सर्वदलीय सरकार गठनका लागि राजीनामा दिन राजी भएको पीएमओले जनाएको छ ।