काठमाडौं । खाना पकाउने ग्यास सिलिन्डर विस्फोटबाट घाइते भएका नेपाली कांग्रेसका सांसद चन्द्र भण्डारीलाई थप उपचारका लागि भारत लगिने भएको छ ।
यति बेला कीर्तिपुरस्थित अस्पताल परिसरका नेता कार्यकर्ताको भिड लागेको छ । घाइते भण्डारीलाई अस्पतालबाट एम्बुलेन्समा राख्ने क्रममा र एयर एम्बुलेन्समा राख्ने क्रममा तस्विर नखिच्न अनुरोध समेत गरिएको थियो । उहाँलाई एम्बुलेन्समा राखेर एयर एम्बुलेन्सका लागि लगिएको छ ।
भण्डारीलाई थप उपचारका लागि भारत लैजान अस्पतालबाट त्रिभुवन अन्तर्राष्ट्रिय विमानस्थलतर्फ लगिएको छ ।
नेता भण्डारीको अनुहार सुन्निएका कारण पत्रकार लगायत व्यक्तिहरुलाई फोटो नखिच्न आग्रह गरिएको नेपाली कांग्रेसका केन्द्रीय सदस्य अजयबाबु शिवाकोटीले जानकारी दिनु भयो ।
बिहीबार दिउँसो २ बजे श्री एयरलाइन्सको विमानबाट उनलाई थप उपचारका लागि मुम्बईस्थित नेशनल बर्नस् सेन्टरमा लैजान लागेको हो ।
कीर्तिपुरस्थित क्लिफ्ड एण्ड बर्न सेन्टरमा उपचाररत सांसद भण्डारीलाई थप उपचारका लागि चिकित्सकको टोलीसहित भारत लैजान लागिएको हो ।
बुधबार राति खाना पकाउने सिलिन्डर विस्फोट हुँदा सांसद भण्डारी र उहाँकी आमा हरिकला भण्डारी घाइते हुनु भएको थियो। तर, बिहीबार बिहान उपचारकै क्रममा आमा हरिकलाको निधन भएको छ ।
नेता भण्डारीलाई एयर एम्बुलेन्समार्फत उपचारका लागि भारत लगिँदै
Like
Love
Happy
Surprised
Sad
Excited
Angry
This is breaking news.
Video News Post
Breaking News with Advertisements
Breaking news with related posts