पेशावर । उत्तरपश्चिम पाकिस्तानको एक प्रहरी मुख्यालयमा रहेको मस्जिद विष्फोटको भग्नावशेषबाट मंगलबार अझै शवहरू निकाल्ने क्रम जारी रहेको र पछिल्लो समयसम्म ९० जनाको मृत्यु भएको छ र १५० भन्दा बढी घाइते भएका छन् । प्रान्तीय राजधानी पेशावरमा सोमबार दिउँसोको प्रार्थनाको समयमा आक्रमण भएको थियो ।
अफगान सीमासँग जोडिएका क्षेत्रहरूमा आक्रमण लगातार बढिरहेको छ । मंगलबार अस्पतालबाट एएफपीलाई २३ वर्षीय प्रहरी हवल्दार वजाहत अलीले भन्नुभयो, ‘म सात घण्टासम्म मृत शरीरसहितको भग्नावशेषमुनि फसेको थिएँ, मैले बाँच्नका लागि सबै आशा गुमाएको थिए ।’ पेशावरको मुख्य अस्पतालका प्रवक्ता मुहम्मद असिम खानले घटनास्थलबाट थप शव आएपछि मृत्यु हुनेको संख्या ९० पुगेको एएफपीलाई बताउनुभएको छ । १५० भन्दा बढी घाइते भएका अधिकारीले बताएका छन् ।
सहरका प्रहरी प्रमुख मुहम्मद इजाज खानले एएफपीलाई भन्नुभयोे कि मारिनेमा ९० प्रतिशतभन्दा बढी प्रहरी नै थिए, जसमध्ये तीन सयदेखि चार सयजना कम्पाउण्डको मस्जिदमा प्रार्थनाका लागि भेला भएका थिए ।
‘हामी भत्किएको छतको अन्तिम भाग हटाउन जाँदैछौं ताकि हामी थप शवहरू निकाल्न सकौँ, तर हामी कोही पनि बाँचेकाहरू फेला पर्ने आशामा छैनौँ,’ प्रहरी प्रवक्ता बिलाल अहमद फैजीले एएफपीलाई बताउनुभयो । ‘प्रार्थना सुरु गरेको केही सेकेण्डपछि विष्फोट भएको र ‘मैले कालो धुवाँ आकाशमा उठेको देखेँ, म आफ्नो ज्यान बचाउन बाहिर भागेँ’, ४७ वर्षीया प्रहरी अधिकारी शाहिद अलीले भताउनुभयो । एएफपी ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा