काठमाडौं । नेपाल नागरिक उड्डयन प्राधिकरण(क्यान)का महानिर्देशक प्रदीप अधिकारीले नेपाल आयल निगमले हवाई इन्धनमा ७८ रुपैयाँसम्म नाफा लिँदै आएको भन्दै हवाई इन्धनको मूल्य तत्काल समायोजन गर्न माग गर्नुभएको छ । शुक्रबार काठमाडौंमा आयोजित एभियशन मिट २०२२ कार्यक्रममा उहाँले यस्तो माग गर्नुभएको हो । महानिर्देशक अधिकारीले हुम्ला, जुम्ला, सिमिकोटमा हवाई यात्राका लागि एक रोपनी जग्गा बेच्नुपर्ने अवस्था रहेको भन्दै यस्तो बेलामा एलपी ग्याँसमा छुट दिएर हवाई यात्रुलाई मारमा पार्न नहुने बताउनुभयो ।
क्यानका महानिर्देशक अधिकारीले निगमले हवाई इन्धनमा ७८ रुपैयाँसम्म नाफा लिँदै आएको भन्दै हवाई इन्धनको मूल्य तत्काल समायोजन गर्न माग गर्नुभएको छ ।
नेपालको हवाई नीति विमानस्थलहरूको नम्बर बढाउने तर जहाजको नम्बर बढाउनेतर्फ भने ध्यान नगएको उहाँको भनाइ थियो । मुख्यसचिव शंकरदास बैरागीले हवाई उड्डयन नीति, नियमन निकाय र स्रोत मिलाएर प्रस्ताव ल्याए प्राथमिकतासाथ अघि बढाउने बताउनुभयो । प्राधिकरण र पर्यटन मन्त्रालयले हवाई उड्डयन नीति, नियमन निकाय र स्रोत गरी तीन विषय मिलाएर प्रस्ताव ल्याए प्राथमिकता दिएर अघि बढाउने उहाँको प्रतिबद्धता थियो ।
मुख्यसचिव बैरागीले उड्डयन क्षेत्रलाई प्रभावकारी बनाउन प्राप्त दक्ष जनशक्ति र आर्थिक स्रोत आवश्यक पर्ने भन्दै नेपालमा हवाई उड्डयन क्षेत्रमा बनेका पूर्वाधार दीर्घकालीन सोचका साथ बनाइएको बताउनुभयो । नेपालमा बनेका अन्तर्राष्ट्रिय विमानस्थल तत्काल चल्न सकेन भनेर चिन्ता लिन नहुने र निजगढ विमानस्थलको छिटो टुंगो लगाउनुपर्ने उहाँको भनाइ थियो ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता