गुल्मी । गुल्मीको सत्यवती गाउँपालिकाको ठुलोलुम्पेकदेखी कुढडाँडातर्फ जाँदै गरेको लु ३ च ५३४० नम्बरको जिप दुर्घटना हुँदा पाँच जनाको मृत्यु भएको छ ।
दुर्घटनामा परि जिपधनी ५१ वर्षीय झलक सोमै, ५५ वर्षीय टीका राहादी, ४७ वर्षीय रनबहादुर सिजापति, २५ वर्षीय मिलन तरामु र ४३ वर्षीय जमुना सोमैको मृत्यु भएको जिल्ला प्रहरी कार्यालय गुल्मीका सुचना अधिकारी प्रहरी नायब उपरीक्षक (डिएसपी) माधवराज खरेलले जानकारी दिनुभयो ।
त्यस्तै, डिएसपी खरेलका अनुसार दुर्घटनामा परि चार जना घाइते भएका छन् । घाइते हुनेमा ३३ वर्षीय कार्बोलिन सोमै, ३२ वर्षीय चेतमान सिंजाली, ४९ वर्षीय गीरबहादुर सोमै र १७ वर्षीय खण्डन सोमै घाइते भएका छन् । घाइते सबैको पाल्पामा उपचार भैरहेको छ ।
राती करिब २ः३० बजेको समयमा ब्रेक फेल भएर जिप दुर्घटना भएको हो । जिप सडकदेखि करिब २०० मिटर तल खसेको डिएसपी खरेलले जानकारी दिनुभयो ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता