ढोरपाटन नगरपालिकामा प्रमुख एमाले र उपप्रमुखमा कांग्रेस विजयी

Tuesday May 17, 2022

Read Time = 2 mins

स्थानीय निर्वाचन २०७९

A A- A+

-डम्मर बुढा मगर

बागलुङ । बागलुङको ढोरपाटन नगरपालिकाको मेयरमा देवकुमार नेपाली विजयी हुनुभएको छ । उहाँ निवर्तमान मेयरसमेत हुनुहुन्छ ।

उहाँले निटकतम प्रतिद्वन्द्वी नेकपा माओवादी केन्द्रका चन्द्र अर्याललाई ६०० मतान्तरले पराजित गर्नुभएको छ । नेपालीले ५७३५ मत प्राप्त गर्दा अर्यालले ५१३५ मत पाउनुभएको छ ।

उपमेयरमा कांग्रेसका धनबहादुर कायत (कल्याण) विजयी हुनुभएको छ । कायतले एमालेकी ताराकुमारी पुनलाई ७६६ मतान्तरले पराजित गर्नुभएको छ । कायतले ५६५० मत प्राप्त गर्दा पुनले ४८८४ मत पाउनुभएको छ ।

वडा नम्बर १ मा नेपाली कांग्रेसका बानबहादुर छन्त्याल, वडा नम्बर २ मा जनमोर्चाका भेकबहादुर खत्री, वडा नम्बर ३ मा एमालेका खिमबहादुर सुनार, वडा नम्बर ४ मा जनमोर्चाका विद्रोह समूहका तिलक पुन, वडा नम्बर ५ मा एमालेका दिपेन्द्र पुन मगर, वडा नम्बर ६ मा एमालेका उमेश बुढा मगर, वडा नम्बर ७ मा जनमोर्चाका धनबहादुर अदै, वडा नम्बर ८ मा माओवादी केन्द्रका भद्रमणि सुनार र वडा नम्बर ९ मा एमालेका खिमबहादुर घर्ती मगर विजयी हुनुभएको छ ।

यो खबर पढेर तपाईलाई कस्तो महसुस भयो ?