काठमाडौँ । राष्ट्रपति रामचन्द्र पौडेलले संघीय संसद्को प्रतिनिधि सभाका सचिव सुरेश अधिकारीले दिएको राजीनामा स्वीकृत गर्नुभएको छ ।
अधिकारीले प्रतिनिधि सभाको सचिव पदबाट आजै राष्ट्रपतिसमक्ष राजीनामा पेस गर्नुभएको थियो ।
संघीय संसद्का महासचिव, प्रतिनिधि सभाका सचिव तथा राष्ट्रिय सभाका सचिवको पारिश्रमिक, सेवाको सर्त र सुविधा सम्बन्धी ऐन, २०७५ को दफा ६ को खण्ड (क) बमोजिम भोलिदेखि लागु हुनेगरी उहाँको स्वीकृत भएको राष्ट्रपति कार्यालयले जनाएको छ ।
नेपाल सरकारका पूर्वसचिव समेत रहनुभएको अधिकारी ५ महिनाअघि मात्र प्रतिनिधि सभामा सचिव नियुक्त हुनु भएको थियो ।
ADVERTISEMENT
गत असार १७ गते अधिकारीलाई सभामुख देवराज घिमिरेको सिफारिसमा प्रतिनिधि सभा सचिवमा नियुक्त गरिएको थियो ।
तर, जिम्मेदवारी सम्हालेको पाँच महिनामा नै उहाँले स्वास्थ्य अवस्थालाई देखाउँदै राजीनामा दिएको स्रोतले जनाएको छ ।
सभामुख देवराज घिमिरे कम्बोडिया भ्रमणमा भएका बेला अधिकारीले राष्ट्रपति रामचन्द्र पौडेल समक्ष राजीनामा दिनुभएको हो ।
उमेर हदका हिसाबले अधिकारीको दुई वर्ष सेवा अवधि बाँकी नै छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
Video News Post
Breaking News with Advertisements
Breaking news with related posts