कोशीका पूर्वमन्त्री अधिकारीलाई थप ७ दिन हिरासतमा राख्न अदालतको अनुमति

हिमालय टाइम्स कालिकोट, संवाददाता

Tuesday November 12, 2024

हिमालय टाइम्स कालिकोट, संवाददाता

Tuesday November 12, 2024

Read Time = 2 mins

डिजिटल संस्करण

समाचार

A A- A+

काठमाडौँ । कोशी प्रदेशका पूर्वआन्तरिक मामिला तथा कानुनमन्त्री लिलाबल्लभ अधिकारीसहित अदालतले थप ७ दिन हिरासतमा राख्न अनुमति दिएको छ ।

जिल्ला अदालत, काठमाडौंका न्यायाधीश दिनबन्धु बरालकाे इजलासले मानव तस्करी तथा सरकारी लिखत कीर्तेको कसुरमा हिरासतमा रहेका उनीसहित ९ जनालाई थप ७ दिन हिरासतमा राख्न अनुमति दिएको हाे ।

आइतबार पक्राउ परेका अधिकारीलाई यसअघि २ दिन हिरासतमा राख्न प्रहरीले अनुमति पाएको थियो ।

कार्तिक ११ मा तत्कालीन मन्त्री अधिकारी, खोटाङका ३६ वर्षीय दावा शेर्पा, खोटाङकै जनक राई र रसुवा घर भएका २२ वर्षीय कञ्चन देवकोटा क्याथे प्यासिफिकको उडानमार्फत जापान उडेका थिए । तर, उनीहरूलाई जापानको अध्यागमनले टोकियो विमानस्थलबाट डिपोर्ट गरेको थियो ।

उनीहरूलाई बिचौलियाहरु धादिङ घर भएका ३४ वर्षीय महेश पाण्डे, दोलखा घर भएका ३० वर्षीय वीरबहादुर सुनार र नुवाकोट घर भएका २३ वर्षीय जुगल रिजालले पठाएको प्रहरीको अनुसन्धानबाट थाहा भएको थियो ।

सोही घटनामा सोमबार पनि दुई जना पक्राउ परेका छन् । पक्राउ पर्नेमा ओखलढुंगाका गुढी राई र नविन राई रहेका छन् ।

सरोकार

प्रहरी

अदालत

सरकार

यो खबर पढेर तपाईलाई कस्तो महसुस भयो ?