सर्लाही । लालबन्दी नगरपालिका-२ मा अवस्थित पद्म भुवनेश्वरी वृद्धाश्रमले दुई वर्षका लागि खाद्यान्न सहयोग पाएको छ । हरिवन नगरपालिका-३ स्थायी घर भई हाल भारतलाई कर्मथलो बनाएका कृष्ण चौधरीले वृद्धाश्रममा आश्रित असहाय, अशक्त तथा ज्येष्ठ नागरिकहरूको लागि भोजन व्यवस्थापनको जिम्मेवारी लिनुभएकाे हाे ।
नवलपुरस्थित जुटपानीमा रहेको उक्त वृद्धाश्रममा आज आयोजित एक विशेष कार्यक्रममा दाता चौधरी र उहाँको परिवारलाई सम्मान गरियो । कार्यक्रममा आश्रमका संस्थापक वासुदेव शरण कोइरालाले चौधरी परिवारप्रति आभार व्यक्त गर्दै यो सहयोगले वृद्धाश्रमलाई ठूलो राहत मिलेको बताउनुभयाे ।
वृद्धाश्रमकी अध्यक्ष भवानी कोइरालाले व्यक्तिगततर्फ हालसम्मकै ठूलो सहयोग रहेको उल्लेख गर्दै चौधरी परिवारलाई भगवानको रूपमा वर्णन गर्नुभयाे । उहाँले भन्नुभयाे, "यहाँ रहेका अशक्त तथा ज्येष्ठ नागरिकहरूका लागि चौधरी परिवारले जीवनको महत्वपूर्ण सहारा प्रदान गर्नुभएको छ ।"
सम्मान कार्यक्रममा मधेश प्रदेशका श्रम तथा यातायात मन्त्री कौशलकिशोर राय, मधेश प्रदेश संसद् सचिव वासुदेव कोइराला, संविधान सभा सदस्य रामचन्द्र चौधरी, हरिवन नगरपालिकाका प्रमुख कमल बुढाथोकीलगायतका विशिष्ट व्यक्तिहरूको उपस्थिति थियो ।
उनीहरूले वृद्धाश्रमको सेवामा चौधरी परिवारले पुर्याएको योगदानको प्रशंसा गर्दै यसले अन्य दाताहरूलाई पनि प्रेरित गर्ने विश्वास व्यक्त गरे ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच