काठमाडौं । जनता समाजवादी पार्टी, नेपालले मधेस आन्दोलनका शहीदको स्मरण गर्दै काठमाडौंमा दीप प्रज्वलन गरेको छ ।
शुक्रवार साँझ पार्टी निकट भ्रातृ संगठन समाजवादी युवा संघ, नेपालको आयोजनामा दीप प्रज्वलन गरी शहीदहरुको स्मरण गरिएको हो । काठमाडौंका शान्तिबाटिकमा शुक्रवार साँझ उनीहरुको तस्बिरमा माला अर्पण तथा दीप प्रज्वलन गरिएको छ ।
दीप प्रज्वलन कार्यक्रममा बोल्दै जनता समाजवादी पार्टी, नेपालकी सांसद रञ्जुकुमारी झाले १७ औं बलिदानी दिवसमा सहभागी भइ २०६३ माघ १ गते मधेस आन्दोलन शुरु भएको र ५ गते मधेस आन्दोलनको प्रथम शहीद रमेश महतो लगायतकाे बलिदानी भएकाे भन्दै शहीदहरुप्रति सम्मान व्यक्त गर्नुभयाे ।
उहाँले भन्नुभयो, ‘१७ औं बलिदानी दिवसमा सहभागी भएका छाैँ । २०६३ माघ १ गते मधेस आन्दोलन शुरु भएको थियो । ५ गते रमेश महतो शाहदत प्राप्त भएको थियो । त्यहाँदेखि हाम्रो आन्दोलन झनै चर्कियो । यो आन्दोलन देशभर चर्किएपछि त्यसको परिणाम स्वरुप २०७२ को संविधान ल्यायो । महिला, मधेसी, जनजाति सबैको अधिकार अहिले सुनिश्चित भएको छ । त्यसको ठूलो श्रेय मधेस आन्दोलन हो । उहाँहरुको स्मरणमा दीप प्रज्वलन गरेका हौँ ।’
सांसद झाले मधेस आन्दोलनकै कारण महिला, मधेसी, जनजातिको अधिकार सुनिश्चित भएको दाबी गर्नुभयो ।
Like
Love
Happy
Surprised
Sad
Excited
Angry
The writing is both articulate and compelling. ❤️