धादिङ । नीलकण्ठ नगरपालिका धादिङ र गोरखा नगरपालिकाको संयुक्त बैठकले नीलकण्ठ नगरपालिकामा रामशाह चौतारा बनाउने निर्णय गरेको छ । आज गोरखाको पालुङटार दुई नगरपालिका बीच भएको बैठकले सो निर्णय गरेको हो ।
चालू आर्थिक वर्षदेखि नै चौतारा निर्माणको काम शुरु गर्ने नीलकण्ठ नगरपालिका धादिङका मेयर भीमप्रसाद ढुंगानाले बताउनु भयो ।
दुवै नगरपालिकाले एक अर्को पालिकाको ऐतिहासिक तथा सांस्कृतिक महत्व झल्कने पूर्वाधार निर्माण गर्ने निर्णय पनि गरेको छ । यस्तै दुई नगरपालिकाले एक आपसमा प्राविधिक तथा आर्थिक साझेदारी गर्ने र सोही समझदारी अनुसार यसवर्ष निलकण्ठले आफनै लागतमा गोरखाको इतिहास झल्कने गरी रामशाह चौतारा निर्माण गर्न जनाएको छ ।
संयुक्त बैठकमा विपद जोखिम न्यूनीकरण तथा व्यवस्थापनमा दुवै पालिकाको संस्थागत सुदूढीकरणको लागि प्राविधिक तथा आर्थिक सहयोगको आदानप्रदान गर्ने निर्णय गरेको छ । यी दुई पालिकाबीच यसअघि नै भगिनी सम्बन्ध स्थापना गरिएको गोरखाका मेयर कृष्णबहादुर रानामगरले जानकारी दिनु भयो ।
Like
Love
Happy
Surprised
Sad
Excited
Angry
