मेक्सिकोमा सडक दुर्घटनामा १८ जनाको मृत्यु

Tuesday May 2, 2023

Read Time = 1 min

प्रिन्ट संस्करण

विदेश

A A- A+

मेक्सिको सिटी । मेक्सिकोको पश्चिमी राज्य नायरिटमा एक पर्यटक बस राजमार्गमा पल्टिँदा कम्तीमा १८ जनाको मृत्यु हुनुका साथै ३३ जना घाइते भएका स्थानीय अधिकारीले सोमबार जानकारी दिएका छन् ।

नायरित राज्यका महान्यायाधिवक्ताको कार्यालयले जारी गरेको विज्ञप्तिमा भनिएको छ, ‘शनिबार राति १५ मिटर गहिरो खाल्डोमा गाडी खस्दा त्यसमा सवार ११ महिला र सात पुरुषको मृत्यु भएको छ भने घाइतेलाई राज्यका तीनवटा अस्पतालमा उपचारका लागि पठाइएको छ ।’

पर्यटक बस मध्य जालिस्कोको ट्लाजोमुल्कोबाट नायरिटको समुद्री किनारको गन्तव्य ग्वायाबिटोसतर्फ प्रस्थान गरिरहेको समय दुर्घटनामा परेको जलिस्को राज्यका गभर्नर एनरिक अल्फारोले पुष्टि गर्नुभयो । रासस/सिन्हृवा ।

मेक्सिको

दुर्घटना

सडक

यो खबर पढेर तपाईलाई कस्तो महसुस भयो ?