काठमाडौं । नेकपा एमालेले रासायनिक मलमा अनुदान कटौतीको निर्णय तत्काल फिर्ता लिन माग गरेको छ । महासचिव शंकर पोखरेलले रासायनिक मलको अनुदान कटौती गर्ने सरकारको निर्णय किसान मार्ने गरी आएको भन्दै तत्काल फिर्ताको माग गर्नुभएको हो ।
आइतबार पार्टीको कृषि तथा पशुपन्छी विकास विभागद्वारा पार्टी केन्द्रीय कार्यालयमा आयोजित पत्रकार सम्मेलनमा उहाँले नेपाली किसानको संरक्षण र प्रोत्साहनका लागि रासायनिक मलको मूल्य घटाउन र अनुदान वृद्धि गर्न पनि सरकारको ध्यानाकर्षण गराउनुभयो ।
महासचिव पोखरेलले भन्नुभयो, ‘अन्तर्राष्ट्रिय बजारमा रासायनिक मलको भाउ घटिरहेका बेला सरकारले जसरी मूल्यवृद्धि गर्ने काम गरेको छ, यो अत्यन्तै अनुचित छ । जबकि हाम्रो पार्टी सरकारमा रहेका बेला अर्थ मन्त्रालयतर्फबाट रासायनिक मल आयातका लागि अनुदान वृद्धि गर्ने कुरा पनि भएको थियो । आर्थिक संकटका बेला पनि अर्थ मन्त्रालयले रासायनिक मल आयात गर्न पर्याप्तमात्रामा बजेट उपलब्ध गराउने निर्णय गरेको थियो । यस्तो अवस्थामा यो सरकारलाई के बाध्यता आइलाग्यो ? कृषि क्षेत्रबाट विस्थापित गर्ने योजनाअन्तर्गत रासायनिक मलको अस्वाभाविक मूल्यवृद्धि गर्ने खालको काम ग¥यो । त्यो सर्वथा अनुचित छ ।’
साथै उहाँले निवर्तमान कृषिमन्त्रीले विदेशबाट आयात हुने कृषिजन्य वस्तुमा विषादी परीक्षण गर्ने प्रस्ताव मन्त्रिपरिषद्मा लगेकोमा त्यो प्रस्तावसमेत रोकिएको बताउनुभयो । उहाँले भन्नुभयो, ‘यो सरकार कस्तो छ भन्ने कुरा विषादी परीक्षणको योजना पनि रोक्ने, रासायनिक मलको अनुदान कटौती गर्ने, मूल्यवृद्धि गर्ने यस प्रकारको क्रियाकलापले स्वाभाविकरूपमा नेपालको कृषि कमजोर पार्ने खालको काम गर्छ ।’
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच