काठमाडौं । पछिल्लो समय सुनको भाउ निरन्तर बढ्दो क्रममा रहेको छ । सुनको मूल्यले यो साता पनि नयाँ रेकर्ड कायम गरेको छ । मध्यपूर्वमा बढ्दो तनावबीच साताको सुरुका दिनमा बढेको मूल्य साताको बीचका केही दिन घटेर पछिल्ला दिनमा फेरि बढेको हो ।
अमेरिकी श्रम बजारमा देखिएको सुधार, अमेरिकी डलरको मजबुतीलगायतका कारण सुनको मूल्यमा दबाब पुगेको विश्लेषकहरूले बताएका छन् । नेपाल सुनचाँदी व्यवसायी महासंघका अनुसार नेपाली बजारमा पनि यस साता सुनको मूल्यले नयाँ रेकर्ड कायम गरेको छ ।
ADVERTISEMENT
साताको पहिलो दिन आइतबार प्रति १० ग्राम एक लाख २८ हजार तीन सय ४५ रुपैयाँ रहेको सुनको मूल्य साताको दोस्रो दिन सोमबार हालसम्मकै उच्च अर्थात प्रति १० ग्राम एक लाख २८ हजार छ सय रुपैयाँ पुग्यो । त्यसपछिका दिन ओरालो लागेको मूल्य साताको पछिल्लो कारोबार दिन शुक्रबार फेरि बढेर प्रति १० ग्राम एक लाख २६ हजार नौ सय ७० रुपैयाँ कायम भयो ।
जुन मूल्य साताको पहिलो दिनको तुलनामा पछिल्लो कारोबार दिन शुक्रबार प्रति १० ग्राम एक हजार तीन सय ७५ रुपैयाँ बढी हो । यस साता नेपाली बजारमा चाँदीको मूल्य भने घटेको छ । साताको पहिलो दिन आइतबार प्रति १० ग्राम एक हजार पाँच सय ३० रुपैयाँ रहेको मूल्य साताको पछिल्लो कारोबार दिन शुक्रबार प्रति १० ग्राम एक हजार चार सय ८३ रुपैयाँ कायम भएको महासंघका महासचिव किरणभाइ बज्राचार्यले जानकारी दिनुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच