काठमाडौं । युवामा नवप्रवर्तन र उद्यमशीलता प्रोत्साहन गर्ने उद्देश्यका साथ आयोजित राष्ट्रिय युवा कृषि नवप्रवर्तन प्रतियोगिता २०८१ काठमाडौंमा सम्पन्न भएको छ । युथ इनोभेसन ल्याबले संयुक्त राष्ट्रसंघीय विकास कार्यक्रम (युएनडिपी) र संयुक्त राष्ट्रसंघको खाद्य तथा कृषि संगठन (एफएओ)सँगको सहकार्यमा आयोजना गरेको कार्यक्रममा नेपालका सातवटै प्रदेशका युवा उद्यमीको सहभागिता थियो । युवा कृषि उद्यमीलाई कृषि र खाद्य प्रणालीमा महत्वपूर्ण योगदान पुर्याउन सहयोग गर्ने उद्देश्यसाथ आयोजित बुटक्याम्प तीन दिनसम्म सञ्चालन भएको थियो ।
युवा कृषि नवप्रवर्तन प्रतियोगिताका लागि कुल ५८ आवेदनमध्ये २१ कृषिमा आधारित स्टार्टअपको प्रतिनिधित्व गर्दै ३८ उद्यमीको सक्रिय सहभागिता रहेको बताइएको छ । सहभागीले कृषि तथा प्रविधि, खाद्य प्रणालीदेखि व्यवसाय योजना र अन्य महत्वपूर्ण सवालमा छलफल गरेका थिए । प्रतियोगितामा नेपालका सातै प्रदेशका १८-३० उमेर समूहका युवा नवप्रवर्तक एकै ठाउँमा भेला हुँदै कृषि, जैविक मल, कृषि प्रविधि र नेपाली मौलिक उत्पादनसँग जोडिएका नवप्रवर्तन प्रदर्शनीमा राखिएका थिए ।
सो अवसरमा सांसद सोभिता गौतमले युवा ऊर्जाले नवप्रवर्तन र परिवर्तन ल्याउन महत्वपूर्ण भूमिका खेल्न सक्ने भन्दै कृषि क्षेत्रमा व्याप्त समस्या नवप्रवर्तनकारी समाधानमार्फत् अन्त्य गर्न सकिने बताउनुभयो । नेपाल र भुटानका लागि एफएओ प्रतिनिधि केन सिमिजुले युवाले थालनी गरेका प्रयासमा आफ्नो साथ रहेको बताउनुभयो ।
ADVERTISEMENT
युएनडिपी नेपालका आवासीय प्रतिनिधि आइसानी मेदांगोदा-लाबेले युवामा लगानी बढाउनुपर्नेमा जोड दिँदै युवालाई असफल हुने चिन्ताबाट बाहिर निस्कन आग्रह गर्नुभयो । युथ इनोभेसन ल्याबका कार्यकारी निर्देशक प्रदीप खतिवडाले बुटक्याम्पमा आफ्नो समय र प्रयास समर्पित गर्ने युवा उद्यमीको प्रशंसा गर्दै कृषि क्षेत्रमा थप युवा संलग्न हुनुपर्ने खाँचो औंल्याउनुभयो ।
आयोजकका अनुसार कार्यक्रममा ५८ मध्ये सबैभन्दा नवप्रवर्तक र विस्तारयोग्य तीन स्टार्टअपलाई जनही एक लाख रुपैयाँ अनुदान हस्तान्तरण गरिएको थियो । विजेता स्टार्टअप सत्व फुड प्रोडक्ट्स, टावरगानिक्स नेपाल र ज्योति हेल्दी स्न्याक्स रहेका छन् । यी तीन संस्था अन्तिम आठ समूहमा छनोट भएका स्टार्टअपले गरेको प्रस्तुतिका आधारमा छनोट भएका थिए । छनोटकर्तामा पहाडी फुड्सका सह-संस्थापक सञ्जय काफ्ले, खेतीपातीका संस्थापक प्रकृति गौतम, एफएओ नेपालका कार्यक्रम विशेषज्ञ अरुण जिसी र युएनडिपी नेपालका कार्यक्रम प्रबन्धक(वातावरण तथा अनुकूलता) प्रज्ञाजन यलम्बर राई रहेका थिए ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा