काठमाडौं । गत सातादेखि निरन्तररूपमा घट्दो क्रममा रहेको सेयर बजार यस साताको अन्तिम कारोबार दिन बिहीबार दोहोरो अंकले घटेको छ । यस दिन २०.७६ अंकले घटेर २००५.८३ अंकमा झरेको हो । तीन सय नौ कम्पनीका ९५ लाख १८ हजार ७५ कित्ता सेयर तीन अर्ब २० करोड ६१ लाख ६७ हजार रुपैयाँबराबरको कारोबार भएकोमा बिहीबार सेन्सेटिभ इण्डेक्स ३.४९, फ्लोट इण्डेक्स १.४३ र सेन्सेटिभ इण्डेक्स १.२२ अंक घटेको हो । कारोबारमा आएका १३ समूहगत सूचकमध्ये दुईवटाको बढेको छ भने ११ वटाको घटेको छ ।
उत्पादन तथा प्रशोधनमूलक सर्वाधिक १.१४ र फाइनान्स ०.३३ प्रतिशतले बढेको छ भने जलविद्युत् १.९०, लगानी १.५४, होटल तथा पर्यटनमूलक १.४८, निर्जीवन बिमा १.४६ र जीवन बिमाको इण्डेक्स १.०७ प्रतिशतले घटेका छन् । नेप्से घटे पनि दैनिक कारोबार रकम ९६ करोड ४२ लाख रुपैयाँले बढेको छ । कारोबार रकमका आधारमा शीर्ष स्थानमा रहेको हिमालयन रि इन्स्योरेन्सको बिहीबार पनि १४ करोड ८७ लाख ९७ हजार रुपैयाँको सेयर खरिदबिक्री भएको छ । गोर्खाज फाइनान्स १४ करोड एक लाख, जोशी हाइड्रोपावर आठ करोड ९३ लाख, एनआइसी एसियाको आठ करोड ९३ लाख, ङादी ग्रुप पावरको छ करोड २४ लाख रुपैयाँ बढीको कारोबार भएको छ ।
ADVERTISEMENT
समाज लघुवित्तको सेयर मूल्य १० प्रतिशतले बढेर सकारात्मक सर्किट लागेको छ भने जोशी हाइड्रोपावर ९.८७, सामलिङ पावर ९.८५, बोटलर्स नेपाल ८.२४ तथा बोटलर्स नेपाल तराईको सेयर मूल्य ५.७३ प्रतिशतले बढेको छ । हिमालयन ऊर्जा कम्पनीको सेयर मूल्य भने सर्वाधिक ७.६० प्रतिशत घटेको छ ।
त्यसैगरी बलेफी हाइड्रोपावर ६.६७, पिपुल्स हाइड्रोपावर ६.२६, अपर स्याङ्गे हाइड्रोपावर ५.१३ र रावा इनर्जीको सेयर मूल्य ५.०८ प्रतिशतले घटेको छ । नेपाल स्टक एक्सचेन्ज(नेप्से)का अनुसार यस दिन कुल बजार पुँजीकरण घटेर ३१ खर्ब ५३ अर्ब रुपैयाँमा झरेको छ । बुधबार बजार पुँजीकरण ३१ खर्ब ८५ अर्ब ६३ करोड ८८ लाख रुपैयाँ थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच