भक्तपुर । बिवाइडीले भक्तपुरको सल्लाघारीमा सुविधासम्पन्न शोरुम सञ्चालनमा ल्याएको छ । विमाई अटोमोबाइल्सको नामको नयाँ शोरुम उद्घाटन गर्दै विमाई अटोमोबाइल्सका प्रबन्ध निर्देशक नरेन्द्रकुमार रानाले ग्राहकमाझ बढ्दै गएको बिवाइडीको लोकप्रियतालाई मध्यनजर गर्दै नयाँ शोरुम सञ्चालनमा ल्याउन पाउँदा आफू निकै उत्साहित भएको बताउनुभयो । ग्राहकको बढ्दो माग परिपूर्ति गर्दै निरन्तर गुणस्तरीय सेवा तथा सुविधा प्रदान गर्न बिवाइडी प्रतिबद्ध रहेको पनि उहाँले बताउनुभयो ।
नेपालको विद्युतीय गाडीको बजारमा राम्रो बजार हिस्सा ओगटेको बिवाइडीले नयाँ इलेक्ट्रिक एसयुभी एटो थ्री सार्वजनिक गरेसँगै नयाँ शोरुम पनि सञ्चालनमा ल्याएको हो । कम्पनीका ब्राण्ड एम्बेसडर वरिष्ठ हास्यकलाकार हरिवंश आचार्यले इभी गाडीमध्ये बिवाइडी गाडी सर्वोत्कृष्ट रहेको बताउनुभयो । विगत छ महिनादेखि आफूले बिवाइडीको इभी गाडी प्रयोग गर्दै आएको जानकारी गराउँदै बिवाइडी गाडीले वातावरणका साथै पैसा पनि जोगाउने उहाँले बताउनुभयो ।
पेट्रोलियम आयात निरुत्साहित गर्न पनि आफ्नै देशमा उपलब्ध विद्युत्बाट चल्ने इभी सवारीसाधनको प्रवद्र्धनमा जोड दिनुपर्ने उहाँको भनाइ थियो । बिवाइडीले नेपालभरि आफ्नो सञ्जाल विस्तार गरिरहेको छ र वीरगञ्ज र जनकपुरमा पनि डिलर नियुक्त गरेको जनाएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा