काठमाडौं । बालुवाटारस्थित ‘ललितानिवास क्याम्प’ भित्रको सरकारी जग्गा हिनामिना प्रकरणमा सरकारी वकिलले बहस सकेका छन् । सोमबार जिल्ला सरकारी वकिल कार्यालयका जिल्ला न्यायाधिवक्ता जनकप्रसाद घिमिरे, वासुदेव शर्मा, सहायक जिल्ला न्यायाधिवक्ता प्रकाश घिमिरे र प्रकाश ज्ञवालीले बहस गर्नुभयो ।
जिल्ला अदालत काठमाडौंका न्यायाधीश भोलानाथ ढकालको इजलासमा आइतबार चारजना सरकारी वकिलले बहस गरेका थिए । सरकारका तर्फबाट बहस सकिएसँगै प्रतिवादी तर्फका कानुन व्यवसायीले बहस थालेका छन् । प्रतिवादीहरू शिवजी भट्टराई, रुद्र कुमार श्रेष्ठ र बालकृष्ण श्रेष्ठको तर्फबाट बहस सकिएको छ ।
काठमाडौं महानगरपालिका वडा नम्बर-४ का तत्कालीन वडा सचिव शिवजी भट्टराईको तर्फबाट अधिवक्ता प्रकाश आचार्य, गणेशमान प्रधान, भीमबहादुर गुरुङ र वरिष्ठ अधिवक्ता मुकुन्द शर्मा पौडेलले बहस गर्नुभएको छ । भूमिसुधार तथा व्यवस्था विभागका तत्कालीन महानिर्देशक (सह-सचिव) रुद्रकुमार श्रेष्ठको तर्फबाट वरिष्ठ अधिवक्ता यदुनाथ खनाल र अधिवक्ता रूपकबहादुर बोगटीले बहस गर्नुभयो ।
सहरी विकास तथा भवन निर्माण विभागका तत्कालीन सिडिई बालकृष्ण श्रेष्ठको तर्फबाट वरिष्ठ अधिवक्ता बाबुराजा जोशीले बहस गरेका छन् । पक्राउ गरिएका १८ जनामध्ये १५ जनाको थुनछेक बहस बाँकी छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच