काठमाडौं । सन नेपाल लाइफ इनस्योरेन्सले निष्कासन गरेको आइपिओ बाँडफाँट भएको छ । नेपाल एसबिआई मर्चेन्ट बैंकिङले साउन ३२ देखि भदौ ४ गतेसम्म सर्वसाधारणलाई निष्कासन गरेको ७६ लाख ८० हजार कित्ता सेयर बाँडफाँट गरेको हो ।
कम्पनीले अंकित मूल्य सय रुपैयाँमा १३९ रुपैयाँ प्रिमियम थप गरेर प्रतिकित्ता २३९ रुपैयाँमा सेयर निष्कासन गरेको थियो । आइपिओमा कुल १४ लाख ६६ हजार आठ सय ६२ जनाले आवेदन दिएकोमा छ हजार आठ सय एकजनाको आवेदन रद्द भएको थियो । योग्य रहेका १४ लाख ६० हजार ६१ जना आवेदकलाई गोलाप्रथाबाट सेयर बाँडफाँट गरिएकोमा सात लाख ६८ हजार जनाले १० कित्ताका दरले सेयर पाएका छन् ।
कम्पनीले बोर्डबाट जारी पुँजी तीन अर्ब २० करोड रुपैयाँको ३० प्रतिशतले हुन आउने ९६ करोड रुपैयाँको ९६ लाख कित्ता साधारण सेयर निष्कासन अनुमति पाएको थियो । जसमध्ये नौ लाख ६० हजार कित्ता सेयर प्रतिकित्ता सय अंकित मूल्यमा १३९ रुपैयाँ प्रिमियम थप गरी कुल २३९ रुपैयाँमा वैदेशिक रोजगारीमा रहेका नेपालीका लागि निष्कासन गरी बाँडफाँट गरिसकेको छ । बाँकी सेयरमध्ये चार लाख ८० हजार कित्ता सेयर सामूहिक लगानी कोष, चार लाख ८० हजार कित्ता सेयर प्रतिकित्ता सय रुपैयाँ अंकित मूल्यमा कम्पनीका कर्मचारीका लागि सुरक्षित राखिएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा