काठमाडौं । लघुवित्तीय संस्था बिरुद्धको संघर्ष समितिले आफ्ना मागहरुको सम्बन्धमा सरकारलाई ध्यानाकर्षण गराएको छ ।
लघुवित्तीय संस्थाहरुको खारेजीको माग गर्दै आन्दोलित भइरहेको लघुवित्तीय संस्था बिरुद्धको संघर्ष समितिले बिहीवार अर्थ मन्त्रालयका सहसचिवद्वय भुपाल बराल र धनिराम शर्मालाई भेट गरी आफूहरुको संघर्षको कार्यक्रम र मागहरुको सम्बन्धमा ध्यानाकर्षण गराएको हो ।
समितिले लघुवित्तीय संस्थाहरुको खारेज, लघुवित्तीय संस्थाहरुद्वारा लगाइएको सामुहिक ऋण मिनाहा, गरिव किसानलाई निःशुल्क ऋण प्रदान, आवश्यकता र क्षमतामा आधारित काम र दामको व्यवस्था र समाजवादी अर्थतन्त्रको विकासको माग राखि आन्दोलनरत संघर्ष समितिले आफूहरुको सो माग र संघर्षको कार्यक्रमको बारेमा सहसचिवद्वयलाई जानकारी गराएको समितिका सचिव तथा वार्ता समिति संयोजक रमेश तामाङले बताउनु भयो । आफूहरुले पुनः छलफलका लागि बोलाउने आश्वासन पाएको पनि उहाँले बताउनु भयो ।
समिति विगत १८ महिनादेखि संघर्षमा रहेको र विगत १५ दिनदेखि समितिका अध्यक्ष मनिराम ज्ञवाली माईतीघर मण्डलामा आमरण अनसनमा बसिरहेको उहाँले जानकारी दिनुभयो ।
साउन ५ गतेदेखि आफूहरुले काठमाडौं केन्द्रित आन्दोलन गरिरहेको तामाङको भनाई छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच