आर्थिक वृद्धि पाँच प्रतिशत पुग्ने प्रक्षेपण

Sunday July 31, 2022

Read Time = 2 mins

अर्थ ताजा समाचार

अर्थ/कर्पोरेट

A A- A+

काठमाडौं । अन्तर्राष्ट्रिय मुद्रा कोष (आइएमएफ) ले गत आर्थिक वर्षमा नेपालको आर्थिक वृद्धि ४.२ प्रतिशतमा सीमित हुने प्रक्षेपण गरेको छ । केन्द्रीय तथ्यांक विभागले भने गत आवमा ५.८४ प्रतिशतले आर्थिक वृद्धि हुने प्रारम्भिक अनुमान गरेको थियो । आव २०७७/०७८ मा आर्थिक वृद्धि ४.२५ प्रतिशत रहेको थियो । कोषले आगामी आर्थिक वर्षमा भने नेपालको आर्थिक वृद्धि बढेर पाँच प्रतिशत पुग्ने प्रक्षेपण गरेको छ ।

कोषका अनुसार गत आवमा एसिया क्षेत्रको आर्थिक वृद्धिदर पनि ४.२ प्रतिशत नै हुने अनुमान छ । त्यसैगरी आगामी आवमा एसियाको आर्थिक वृद्धि ४.५ प्रतिशतमा सीमित हुने कोषले जनाएको छ । केन्द्रीय बैंकहरूले कसिलो वित्तीय अवस्थाका कारण व्याजदर बढाउने क्रमका साथै रुस र युक्रेनबीचको युद्धका कारण खाद्यवस्तुको मूल्यका आएको वृद्धिले आर्थिक वृद्धिमा कमी आउने कोषको भनाइ छ ।